يا ترى إيه اللي يخلي منتجات تذكارية - souvenirs عادية كانت بتتباع على ال e-bay بأسعار عادية، وفجأة تزيد المبيعات لحد 3000%، إيه اللي حصل؟؟؟!

 

وإيه اللي يخلي فريق الإدارة العليا في ال World Bank يقتنع أخيرا بمقترح مدير قسم المعلومات بأنهم يهتموا أكتر بإدارته ويضخوا فيها أموال أكتر؟

 

وإيه اللي يخلي بوست على الفيس بوك يوصل ل clicks  و engagements موصلهاش أي بوست في نفس الصفحة من قبل؟

​

السر في النتايج دي هو مش سر مطلقًا، ولكنها المهارة الأقدم لدى الإنسان وهي القص أو الحكاية، وهو إزاي الإنسان يقدر يحول معلومته إلى قصة تتسلل إلى العقل وتخترقه بأسلوب متقدرش المعلومة المجردة الجافة عمله.

 

ودا بسبب أن رواية القصة - Storytelling بتحمل التأثير الآتي:

 

1.    المعلومة المذكورة فى شكل أرقام وإحصائات مبيفتكرش منها الإنسان أكثر من 5%، و لكن لو اتذكرت فى شكل حكاية فممكن الإنسان يفتكر منها 63%.

 

2.    الحكاية تمكث فى الذاكرة أكثر ب 22 مرة من المعلومات المجردة.

 

3.    الحكاية بتشتغل بالأساس على المشاعر، والمشاعر هي المحرك الرئيسي للإنسان في إتخاذ قراراته.

4.    العامل المشترك بين أكتر الناس تأثيرًا في الماضي والحاضر هو أنهم كانوا بيحكوا حكايات كتيرة.

 

5.    أكتر كلام الناس سواء في العمل أو على المستوى الشخصي هو عبارة عن حكايات، في بعض الأحيان بيوصل ل 70% من محتوى الكلام، فالللي بيعرف يحكي بشكل مؤثر هو اللي حيكون ليه فرص نجاح أكبر.